اسرار صيد الكاستنج

 طريقه صيد الكاستينج .

الموضوع دة كبير جداااا بالنسبه للتطور الى احنا شايفينه من الشركات المنتجه للطعوم الصناعيه وبقي اهتمام للصيادين فى وقتنا الحالى المخايله على اﻻسماك من زمان جداااا بس كانت طرق محدودة وامكانيات قليله ممكن الصياد هو الى كان بيعمل ادوتها بأيدة زى الريشه وهو انك تركب سﻻح 01 على ريشه فراخ وتخايل بيها سمك القاروص من على الشاطئ الرملي او البلوكات بالبوصه اليد وبردة المعالق وبردة السبايكى كانت بتتعمل من ورق الشيبسي يعنى هي ديه الى كنا عارفينه عن المخايله مكناش نعرف اوى موضوع صيد الكاستينج.

طبعا موضوع المخايله على اﻻسماك اتطور جامد جداااا وبقي فيه منافسه من الشركات المنتجه للطعوم الصناعيه من حيث اﻻشكال اﻻلوان والحركه والمقاسات المختلفه.

ومن الشركات المنتجه للطعوم الصناعيه فى مصر .

Duo

X-rap

Max rap

Yazori

Zerek

Ever green

Halco

Shimano

Strike pro

يعنى تعتبر دى الشركات الى بتنزل فى السوق المصرى عندنا وهى شركات عمﻻقه جدااا فى تصنيع الطعوم الصناعيه.

الطعوم الصناعيه بتنقسم لنوعين .

هارد بيت وهى الرابﻻت بأنواعها والبوبرات .

والسوفت بيت . وهى من الطعوم المصنعه من السيلكون وحركتها جميله فى الميه .

استخدامنا ﻻنواع والوان الطعوم الصناعيه على حسب اﻻماكن الى بنصطاد منها والموسم ولون الميه.

بنستخدم اﻻلوان على حسب الميه الى شغالين عليها يعنى لو الميه الفاتحه بنستخدم غوامق ولو الميه غامقه بنستخدم الوان فاتحه يعنى حاول تستخدم اللون الى يبان فى الميه.

بالنسبه للمقاسات ودى طبعا مهمه

 احنا بنستخدم المقاسات على حسب الموسم يعنى مثﻻ  موسم القاروص بنستخدم مقاسات ال5 لحد 9 سم وممكن تستخدم اكبر وﻻزم تغير عليه بالوان مختلفه من الربﻻت بس خليك فى المقاسات ديه افضل للقاروص وموسم المياس بنستخدم مقاسات اكبر من 11 الى 17 سم سمكه فمها كبير واسنانها حاميه علشان كدة بنستخدم مقاسات كبيرة شويه.

اى رباله وانت بتشتريها بيبقي مكتوب عليها العمق الى بتغطس ليه اد ايه وطبعا بتجبها على حسب المكان الى بتصطاد منه.

ﻻزم يبقي معاك اكتر من لون علشان تغير وانت بتصطاد.

بالنسبه للعدة .

طبعا الكاستينج ليه العدة المخصصه ليه من بوصه ومكنه .

البوصه بتستخدم اطول مختلفه على حسب المرمى الى بتصطاد منه بتبدى من اطوال 2 الى 4 متر ولو واقف فى مكان عالي البوصه الطويله افضل . بس الطول المناسب للبوصه 3 متر.

بالنسبه للمكنه بتستخدم مكنه صغيرة او وسط تكون قويه.

بالنسبه لشعر المكنه ممكن تستخدم نايلون او بريد و انا افضل البريد.

صيد الكاستينج مفهوم جديد للصيد و فى تطور على طول ومليان بالمفاجات وغلتطه حلوة وقبل ما تشترى اى عدة او طعوم حاول تسال حد يكون جرب الصيد بيه علشان هو مكلف شويه